المساعد الشخصي الرقمي

مشاهدة النسخة كاملة : يمه غريب وحضنك الاوطان


يزيد
2010-08-22, 06:22 AM
يمه غريب وحضنك الاوطان
يمه احضنيني واجلسي جنبي
مشتاق للجمعه وحيل ولهـان
مشتاق لأحضانك يخليك ربي
يامن تحملتي الشدايد والازمان
يامن سهرتي للمرض قربـي
ياما رعيتي بدافي الاحضـان
ياما وطيتي الشوك في دربي
ياما جبرتي خاطر الزعـلان
ياما دعيتي .. راجيـه ربـي
يخليني ذخر وخيـر انسـان
وعز ٍ لا انتخى للموت هبـي
يمه غريب لشوفتـك شفقـان
مني بعيدة وانتي فـي قلبـي
بين الضلوع وزحمة الاحزان
وبين المسافة والسفـر حبـي
يمه .. تعالـي اللقـا حـان
القلب يخفق والعيـون تلبـي
ملت دموعي طاري الاجفـان
وملت جفوني دمـع ٍ تخبـي
يمه وحيـد ينتظـر هلكـان
وانتي الضما و الضما شربي
يمه غريب وحضنك الاوطان
يمه احضنيني واجلسي جنبي
مشتاق للجمعه وحيل ولهـان
مشتاق لأحضانك يخليك ربي





ســـعـــــد بن مـــســـهـــو ج

احمد
2010-08-22, 06:27 AM
تسلم يزيد

على احتيارك المميز

رعد
2010-08-22, 06:34 AM
ماقصر اخوي يزيد

على القصيده

العملاق
2010-08-22, 06:49 AM
تسلم

اخوي

يزيد

البرق
2010-08-23, 08:55 PM
مشكور اخوي يزيد

على القصيده

يزيد
2010-08-26, 08:32 PM
شكرا لكم اخوني
على مروركم
المميز