تعبت انا ارسم للقـا بالسمـا شمـوس

[يزيد]

تعبت انا ارسم للقـا بالسمـا شمـوس
لاصار ليل اليـاس يمحـى رسومـي
وتعبت انا البس من رجا الوصل ملبوس
لاصار نار الشـوق تحـرق هدومـي
ودي انـوش البـدر لكنـه محـروس
بيني وبينه جيش فـرس(ن) و رومـي
اجـر صوتـي جـرة عبيـد للقـوس
لاجرها ليـل(ن) خلـى منـه نومـي
يكفي عزف ياصاحبي فاضت انفـوس
يكفي عزف لو سمـع ميـت يقومـي
للحب يامـا انحنـت هامـة الـروس
لكـن راسـي فـوق فـوق الغيومـي
على الخفوق بمقـدم الرجـل بـدوس
مادام لـي خشـم(ن) يشـم السمومـي
كم واحد(ن) يضحك وله هم مدسـوس
خلف الحنايا مخفـي(ن) لـه همومـي
وكم واحد(ن) يعطي ولا عنـده فلـوس
شمر عـن الساعـد ولا لـه كمومـي
ما يجرح ابهام الندم عضـة ضـروس
بنفس الشقـي عضويـن لا لا يلومـي
عزاي طير(ن) بالقفص دوم محبـوس
احـس بـه فرحـة لقـاي و قدومـي
بين الضلوع وخافقـي فيـه مغـروس
نبت الهـوى واخـاف يابـس بيومـي
يوم(ن) بـه المـا للمخاليـق مقيـوس
لسان الضما مدلـوع مـن فـم قومـي
ياللي غرسته سالف الوقـت منحـوس
منحوس شخص(ن) صابته لك سهومي
تعبـت انـا اتخيلـك ماهـو بنامـوس
حـزن لقلبـي والحلـم مـا يدومـي
ودي احس ان اللقـا بـوم محسـوس
اخـذ علومـك يـوم تاخـذ علومـي
ودي اعيشك واقع(ن) حيـل ملمـوس
اشـم, اضـم, الـم, ارقـد واقومـي
ليال اللقا اللي كنها صـارت عـروس
مـدري علـم لقيـاك ولا حلـومـي؟

خالد الدوسري

[رعد]

مشكور اخوي يزيد

[احمد]

تسلم اخوي يزيد
على اختيارك المميز

[البرق]

تسلم اخوي يزيد
والله يعطيك العافيه

[ابو عبدالرحمن]

يزيد ......... الله يعطيك العافيه
.......................... تقبل تحياتي

[العملاق]

تسلم على القصيده
والله يعطيك العافيه

[روائع الجنان]

قصيده روووووووووووعه
شكرا لك

[يزيد]

شكرا لكم على تواصلكم

تحياتي