بسم الذي محصي الأفلاك حاسبهـا

[يزيد]

بسم الذي محصي الأفلاك حاسبهـا
الواحد الخالـق الـرزاق والوالـي
نبدا بذكره حـروف القيـل نكتبهـا
ونفصّل أبيات للأصحـاب تفصالـي
ونعد ماصـار بالأمثـال نضربهـا
تذكار بالصاحب المـزاح وأمثالـي
الصاحب اللي غدر برجال صاحبهـا
ماعاد ميّز سمين الفعل واهزالـي
طاوع هوى نفسه القشرا ولاعبهـا
والنفس تأمر بسو ألوان وأشكالـي
ليته ردع نفسه السيـه وحاسبهـا
وفكر بمخراج حاله قبـل مدخالـي
الرجـل لابـد مايعـرف عواقبهـا
ويحسب حسابه بأمور مالها تالـي
ويقيس قبل الغطس وش بعد جانبها
يازن ولاينقص الميـزان مثقالـي
واليا شرا سلعة من عنـد جالبهـا
يوفي ثمنهـا ولا يحتـال بريالـي
واليا جلـب سلعـة دوّر لطالبهـا
يأخذ ثمنها لاصار البيع في الحالي
الناس غيّر جديد الوقـت مذهبهـا
صار الردي عندهم من عد الأبطالي
وعاداتهم وقتنـا عكّـر مشاربهـا
هزّ أرضهم طبعهم وأمست بزلزالي
وأعود للي سرق خلفـه وعذبهـا
عقب أصطبح شاتها ياناس بنعالـي
ماقدّر أنعام ربـي هـان جانبهـا
ماكرّم أم الشمايل قدرهـا عالـي
والله لـو أقضبـه ليديـه أشذبهـا
وأقطع يمينه من المفصل ولا اسالي
وأفـرّ رجليـه للغـارب وأعقبهـا
وآطا على صابره وأكويه بالصالي
تكفى يابو ناصرأشرحلي سبايبهـا
ليش العرب تنكر الأحسان وافضالي
يابن الصليبي عساك اليوم طيبهـا
من يقضي الدين للديـان ميبالـي
يامحمد أنته سند من قـام يجذبهـا
دلون تصافق على مطوية الجالـي
وأسلم ودملي عدد ماخـط كاتبهـا
واعداد ماهلـت الأمـزان همالـي
سفر بن مشعان العتيبي

[رعد]

مشكور اخوي يزيد

[العملاق]

تسلم يزيد والله يعطيك العافيه

[البرق]

تسلم اخوي يزيد
والله يعطيك العافيه

[احمد]

تسلم اخوي يزيد
على اختيارك المميز